მოკლე გზამკვლევი დამწყები მეღვინეებისთვის - რა შეცდომები არ უნდა დაუშვათ ღვინის შექმნისას

მეღვინეობა ქართული კულტურის უმნიშვნელოვანესი ნაწილია. მას ჩვენი მიწათმოქმედების დიდი ნაწილი უჭირავს. ქართული ვაზი, თავისი უნიკალურობით, აღიარებულია მსოფლიოში. როგორც დიდი ილია წერდა, ქართული ყურძენი თავისი ბუნებრიობითაა გამორჩეული, ხოლო ის ტრადიციები და მეთოდები, რომელიც ღვინის ქვევრში დაყენებასთან არის დაკავშირებული, შეუცვლელია და მათ ვერაფერი შეედრება.

ღვინის დამზადების პროცესი, ერთი მხრივ, საკრალურია, მეორე მხრივ, კი დატვირთულ ფიზიკურ შრომასთან არის დაკავშირებული. რა თქმა უნდა, მეღვინეს გარკვეული სირთულეების გადალახვაც უწევს და პრობლემებსაც აწყდება. ამისთვის საჭიროა, ვისწავლოთ ღვინის პრობლემების სწორი პრევენცია და იდენტიფიცირება.

მოკლედ ჩამოგითვლით რამდენიმე სირთულეს, რომელიც შეგხვდებათ, თუ ახალბედა მეღვინე ხართ და ასევე, რამდენიმე შეცდომას, რომელიც შეიძლება გამოუცდელობით დაუშვათ.

ყურძნის სიმწიფის დონე

ის ფაქტი, თუ რამდენად მწიფეა ყურძენი, გავლენას ახდენს მის სიტკბოსა და მჟავიანობის დონეზე. რაც უფრო ვაჭიანურებთ მოსავლის აღებას, მით უფრო მწიფდება და ტკბება ყურძენიც, მაგრამ უფრო დაბალია მჟავიანობის დონე. ზოგიერთ შემთხვევაში, ყურძნის გამოყენებისას მოგიწევთ ღვინის ხელოვნურად დამჟავება, სწორი გემოს უზრუნველსაყოფად.

დუღილის ტემპერატურა

კიდევ ერთი რამ, რაც გავლენას ახდენს ღვინის ფერსა და გემოზე, არის დუღილის ტემპერატურა. ცივი დუღილის ტემპერატურა, რომელიც არ აღემატება 50 გრადუსს, იდეალურია ვარდისფერი და თეთრი ღვინოებისთვის, ხოლო უფრო ცხელი დუღილის ტემპერატურა 80-დან 100 გრადუსამდე, შესაფერისია წითელი ღვინოებისთვის. ვინაიდან თითოეული ტიპის ღვინოს სჭირდება ალკოჰოლის წარმოების განსხვავებული ტემპი, მნიშვნელოვანია დუღილის სწორი ტემპერატურის გამოყენება სასურველია ღვინის კარგი პარტიისთვისა და ხელსაყრელი შედეგისთვის.

თავსახურები

ღვინის ხარისხზე გავლენას ახდენს აგრეთვე, რომელი ტიპისაა თავსახური, რომლითაც დალუქავთ ღვინის ბოთლს. ამის მაგალითებია ბუნებრივი საცობები, რომლებიც ადვილად იკუმშება ღვინის ბოთლში და ქმნის მჭიდრო ლუქს, მაგრამ საშუალებას აძლევს ჰაერს, დაუკავშირდეს ღვინოს დაძველების პროცესში, ან ხრახნიანი თავსახურები, რომლებიც ხელს უშლიან ჰაერის შეღწევას ღვინოში.

რა არ უნდა გააკეთო, თუ დამწყები მეღვინე ხარ?

მეღვინეობისთვის საჭიროა გამოიყენოთ შესაბამისი აღჭურვილობა, რომელიც მოგცემთ საშუალებას აწარმოოთ კარგი ხარისხის ღვინო. არასწორი აღჭურვილობის გამოყენებამ შეიძლება გაზარდოს თქვენი ღვინის გაფუჭების შანსები. გახსოვდეთ, რომ მეღვინეობა ორგანული პროცესია, ამიტომ დაბინძურებამ შეიძლება გაგიფუჭოთ საქმე და მთელი ძალისხმევა ფუჭად დაიხარჯოს. კარგად გამოიკვლიეთ, თუ რაში და როგორ ყენდება კარგი ღვინო.

მეორე, რაც უნდა გაითვალისწინოთ, არის დრო. ღვინის ნაადრევად გადატანა სამომხმარებლო ეტაპზე, პირდაპირ გავლენას მოახდენს მის გემოზე. დუღილის დროს საფუარს უნდა მივცეთ საშუალება, შეასრულოს თავისი საქმე. შეიძლება კლიშესავით ჟღერს, მაგრამ შესანიშნავი ხელნაკეთი ღვინის დასამზადებლად მოთმინება ყველაზე ძვირფასი თვისებაა.

დაყენების პროცესში ზედმეტად ხშირად შემოწმება ასევე ერთ-ერთი გავრცელებული შეცდომაა, რომელსაც ისევ მოთმინებამდე მივყავართ. მნიშვნელოვანია, ფრთხილად იყოთ ჟანგბადის ზემოქმედებასთან. დუღილის დროს თქვენი ღვინის შეფერხებამ შეიძლება გავლენა მოახდინოს მის ხარისხზე, ასევე, არსებობს გაფუჭებისა და ბაქტერიების რისკი. ეცადეთ, ხშირად არ სინჯოთ ღვინო და აცადოთ მას, რომ მიაღწიოს სრულყოფილებას.

ბოლოს გეტყვით, რომ მნიშვნელოვანია იმის ცოდნაც, როგორი ტიპის ღვინოს ამზადებთ - მშრალს, ნახევრად მშრალს, ტკბილს, შუშხუნას თუ სხვა. ყოველ მათგანს დამზადების შესაბამისი ტექნიკა და წესები აქვს, წინააღმდეგ შემთხვევაში, მათ შორის ამხელა სხვაობა არ იქნებოდა. ზოგადი რჩევა კი ისაა, რომ თუ ქვევრის ღვინოს, ქართული, ტრადიციული მეთოდით ამზადებთ, არ დაგავიწყდეთ ქვევრების საგულდაგულოდ გარეცხვა, კარგად ამომშრალება და შემდეგ უკვე ყურძნის მასში მოთავსება.

არ აქვს მნიშვნელობა, თქვენთვის ამზადებთ ღვინოს თუ სხვებისთვის, პროცესის თითოეული ეტაპის მიზნის გაგება და მისთვის შესაფერისი გარემო და აღჭურვილობა კარგი და ხარისხიანი ღვინის მიღების საწინდარია, რომელიც თავისთავად აისახება სასიამოვნო არომატსა და ჩვენი განსაკუთრებული დღეებისა თუ საღამოების გალამაზებაზე.